20 noyabr Ağdam Şəhəri Günü

Yasamal rayon Mərkəzləşdirilmiş Kitabxana Sisteminin A.Şaiq adına 2 №-li kitabxana filialının əməkdaşı Afət Ağayeva Azərbaycan Respublikası Prezidentinin Sərəncamı ilə 20 noyabr Ağdam şəhəri günü elan edilməsi ilə əlaqədar videoçarx hazırladı.
Videoçarxda Ağdam rayonunun coğrafi mövqeyi, tarixi, mədəniyyəti, tarixi abidələri, mədəniyyət və memarlıq nümunələri  haqqında  məlumat verilir. 
Qeyd olunur ki, erməni  işğalından əvvəl rayonda 54 tibb müəssisəsi, 79 mədəniyyət ocağı, 10 istirahət mərkəzi, 2 dəmir yolu vağzalı və aeroport, Ü.Hacıbəyli adına musiqi texnikumu, Ə.Haqverdiyev adına Ağdam Dövlət Dram Teatrı fəliyyət göstərmişdi. Videoçarxda dünyada yeganə çörək müzeyi Ağdamın ən maraqlı muzeylərindən biri – Ağdam Çörək Muzeyi haqqında məlumat verilir.
Videoçarxda rayonun ermənilər tərəfindən işğal olunması haqqında da məlumat verilir. Qarabağ uğrunda gedən döyüşlərdə altı mindən çox ağdamlının şəhid olduğu və yüz iyirmi mindən çox insanın öz doğma yurdundan məcburi köçkün düşməsi  qeyd edilir. 
44 günlük Vətən müharibəsində  Ağdam şəhərinin 20 noyabr 2020-ci ildə azad edilməsi, Azərbaycan ordusu tərəfindən şəhərin mərkəzində Azərbaycan bayrağının ucaldılması videoçarxda öz əksini tapıb.