Şahmat

-------------------

Qadın şahmat yığmamız AÇ-da ikinci olub

Montoneqronun Budve şəhərində kişi və qadın şahmatçılar arasında keçirilən və Azərbaycan komandalarınin da iştirak etdiyi komandalararasi Avropa çempionatına dünən həlledici 9-cu turla yekun vurulub. Son turda qadın yiqmamiz Serbiya, kişi komandamız isə İtaliya millisi ilə qarsilasib. Son tura qədər yarış cədvəlində ikinci olan qadın komandamız hesabat turunu da qələbə (3:1) ilə başa vuraraq aktivindəki xalların sayını 15-ə çatdırıb. Bu isə qadın komandamiza öz tarixində ilk dəfə olaraq Avropa çempionatında ikinci yeri tutmaq və gümüş medal qazanmaq imkanı verib. Qeyd edək ki, heyəti Günay Məmmədzadə, Gülnar Məmmədova, Ülviyyə Fətəliyeva, Govhər Beydullayeva və Xanım Balacayevadan ibarət olan qadın komandamız AÇ-da keçirdiyi 9 oyunun yalnız birində heç-heçə edib, bir oyunda məqlubiyyətlə üzləşəib, qalan 7 turda isə qalib gəlib. Çempionatda yalnız Bolqarıstan komandasına uduzan Azərbaycan yığması yarış cədvəlində də yalnız bolqarlardan bir xal geri qalib. Yiqmamiz Avropa çempionatında 32 komanda arasinda üçüncü yeri tutan Fransa (12 xal) millisini 3 xal geridə qoyub.

Onu da qeyd edək, qadın yiqmamiz buna qədər üç dəfə (1992, 2019 və 2021-ci illər) Avropada İkinci yeri tutub.

Heyətində Teymur Rəcəbov, Şəhriyar Məmmədyarov, Rauf Məmmədov, Nicat Abbasov və Vasif Durarbəylinin cəmləşdiyi kişi yiqmamiz isə qadınlarımızla müqayisədə bu çempionatda olduqca zəif çıxış edib. Son turda İtaliya millisi ilə sülh (2:2) baqlayan kişi komandamız 9 turda cəmi 9 xal toplamaqla çıxışını 38 komanda arasında 18-ci yerdə başa vurub. Tarixində üç dəfə Avropa çempionu adını qazanan kişi millimiz 9 turun 4-də qalıb, 4-də məqlub olub, 1-də isə rəqiblə sülh baqlayib. 

İNTİQAM Məmmədov