Qəzzada 3 ildən sonra təhsil bərpa olundu- 500 mindən çox şagird dərslərə başladı

Qəzza zolağında təxminən 3 ildən sonra yeni tədris ili başlayıb.

Bölgədə 541 min şagird yenidən təhsilə cəlb olunub.

Məktəblərin böyük hissəsi dağıdıldığı və ya istifadəyə yararsız vəziyyətə düşdüyü üçün dərslər müvəqqəti təhsil məntəqələrində və çadırlarda təşkil olunur.

Qəzza Təhsil və Ali Təhsil Nazirliyinin məlumatına görə, əyani təhsil üçün 700 təhsil məntəqəsi yaradılıb. Təhsil mərkəzlərinə gedə bilməyən şagirdlər isə dərslərini onlayn formada davam etdirəcəklər.

Nazirlik bildirib ki, uşaqlar təxminən üç illik fasilədən sonra yenidən dərsə qayıdıblar. Tədris ilinin müharibənin yaratdığı ağır şəraitdə başladığı vurğulanıb.

Məlumata görə, bölgədə məktəblərin böyük hissəsi dağılıb, bəziləri isə məcburi köçkünlər üçün sığınacaq kimi istifadə olunur. Bu səbəbdən bir çox ərazidə çadırlar müvəqqəti sinif otaqlarına çevrilib.

UNICEF-in məlumatına əsasən, Qəzzada yüz minlərlə uşaq son üç il ərzində ənənəvi əyani təhsildən kənarda qalıb. Təhsil rəsmiləri bildirirlər ki, uzunmüddətli fasilə şagirdlərin bilik və bacarıqlarına ciddi təsir göstərib.

Buna baxmayaraq, bölgədə təhsil prosesinin bərpası istiqamətində işlər davam etdirilir.

 

++++++++++++++++++++   D İ Q Q Ə T :    ++++++++++++++++++++++

Tədbirlərinizin  ViDEO+FOTO ÇƏKİLİŞLƏRİNƏ  sifarişlər qəbul olunur:

əlaqə: WhatsApp- 010 528 3406, 050 331 1111