AZpressAZ-in arxivindən: 2023-cü il

Xocalı əsirlərinin öldürülməməsi üçün təslim olan Natiq Qasımov

1992-ci ildə Ağdamın Pirlər kəndində 5 gün kilsədə qalıb ermənilərlə təkbaşına döyüşən, sonda Xocalı əsirlərinin öldürülməməsi üçün təslim olan Natiq Qasımov !

Onun məşhur şəklini yəqin ki, çoxları görüb. Əlində bayrağımızla iki erməninin əhatəsində gedir.

Bu fotonu italyan fotoqraf Enriko Sarsini çəkib.

Natiq Əsgərana aparılır və orada dindirilir. Dindirilmə səhnəsindən də fotolar var.

Britaniyalı rejissor və senari müəllifi Karan Sinq N.Qasımovun həyatından bəhs edən sənədli film çəkib.

Rejissor filmdə Natiqi dindirən şəxsin Xocalı qatili Vitali Balasanyan olduğunu üzə çıxarıb. V.Balasanyan isə bu faktı təkzib edib.

Natiqin sonrakı taleyi naməlumdur. Kimisi yandırıldığını, kimisi güllələndiyini, kimisi də daha ağır işgəncələrlə öldürüldüyünü deyir. Ailəsi isə hələ də onun sağ olduğuna inanır.