Suriya üçün yeni dövr: Əl-Şaraa texnokratik hökuməti elan edəcək

Suriyanın müvəqqəti prezidenti Əhməd əl-Şaraa ərəb respublikasının yeni hökumətinin tərkibini martın 29-da elan edəcək.

Onun sözlərinə görə, yeni Nazirlər Kabineti dekabrın 10-dan Məhəmməd əl-Bəşirin rəhbərlik etdiyi keçid hökumətini əvəz edəcək. Əl Hadath mənbələri hökumətin inklüziv olacağını və əsasən texnokrat nazirlərdən ibarət olacağını qeyd edib. Daxili İşlər, Xarici İşlər və Müdafiə nazirliklərinin hazırkı rəhbərləri öz vəzifələrini qoruyacaqlar.

Martın 13-də qəbul edilmiş konstitusiya bəyannaməsinə əsasən, bütün icra hakimiyyətinin onun əlində cəmləşdiyi Nazirlər Kabinetinin işinə Əl-Şaraanın özü rəhbərlik edəcəyi gözlənilir.

Suriyada keçid dövrü 5 il davam edəcək və bundan sonra ümumi seçkilər keçiriləcək. Respublikanın qanunvericilik bazası İslam hüquq normalarına uyğun olacaq.