YADA DÜŞƏR XATİRƏLƏR

(AZpressAZ-in arxivindən: 2023-cü il)

Bəybala Mirzəyev: 

Bitməkdə olan həftənin ən tragikomik adamı...

/Yarızarafat/

Rəhbərlik etdiyi dünyanın dəb və ətriyyat paytaxtının küçələrini gəmiricilər fəsiləsindən olan siçanların işğalından qurtara bilməyən Parisin meri Enn İdalqo bu həftə Azərbaycanın Qarabağ bölgəsindəki ikiayaqlı gəmiricilərə - separatçı haylara "yardım" etməyə gəlmişdi.

Lakin "Laçın" postundakı sərhədçilərimiz ona başa saldılar ki, Qarabağdakı "siçan"ların - separatçıların öhdəsindən özümüz gələrik, siz gedin öz paytaxtınızdakı real siçanlara çarə qılın.

Madam İdalqo da bax, beləcə boynukük şəkildə, məyus ovqatla əvvəlcə İrəvana, oradan isə Parisə döndü.

P.S.

Deyirlər xanım meri qarşılamaq üçün hava limanına gələnlər arasında hətta Paris siçanları da varmış.

P.P.S.

Bəli, bu gedişlə siçanlar Parisin yeni simvoluna çevriləcək. Madam İdalqo isə tarixə siçanlarla mübarizə aparmaq üçün çoxlu süpürgəçilər ayıran və həm də zibil qutularını siçanlar üçün əlçatmaz formada düzəltdirən ilk qadın mer kimi düşəcək.