Skip to main content
Skip to main content
Best coffeeshop in Berlin

     “Aşıq dastanları”nın üçüncü cildi 

   Azərbaycan Aşıqlar Birliyində nəşrə hazırlanan “Aşıq dastanları” çoxcildliyinin 3-cü cildi işıq üzü görüb. Kitab, Azərbaycan Aşıqlar Birliyi və “Mədəniyyət” kanalının birgə layihəsi olan “Saz-söz məclisi” verilişində (2022-2024) oxunan dastanların əsasında işlənib hazırlanıb. Ustad aşıqlar və yeni nəsil ifaçıların repertuarından videoyazıya alınan dastan-rəvayətləri əhatə edən bu cild özündən əvvəlki cildlər kimi dastançıların təhkiyə tərzini, eləcə də dil-üslub özəlliklərini qoruyan epik mətnlərlə zəngindir.
 “Aşıq dastanları” üçcildliyi gələcək dastan nəşrlərinin ortaya çıxması üçün sanballı bir töhfə olmaqla yanaşı, yeni nəsil aşıqlar, folklorçular, aşıqşünas və musiqişünaslar üçün də faydalı mənbə rolunu oynayır.
   Cildin elmi məsləhətçisi Azərbaycan Aşıqlar Birliyinin sədri, Dövlət mükafatı laureatı Məhərrəm Qasımlı, nəşrə hazırlayanlar Əməkdar elm xadimi professor Məhərrəm Qasımlı, filologiya elmləri doktoru professor Mahmud Allahmanlı, Əməkdar mədəniyyət işçisi Musa Nəbioğlu və filologiya üzrə fəlsəfə doktoru dosent Altay Məmmədlidir. Redaktoru isə filologiya üzrə fəlsəfə doktoru dosent Aynur Xəlilovadır.