İsrail idmançıları beynəlxalq yarışlardan kənarlaşdırıla bilər

İspaniya, Belçika və Skandinaviya ölkələri beynəlxalq idman federasiyalarından israilli idmançıların beynəlxalq turnirlərdə iştirakdan diskvalifikasiya edilməsini tələb etməyi planlaşdırır.

Təşəbbüs Ukraynada münaqişə başlayandan sonra Rusiya və Belarus idmançılarına qarşı əvvəllər tətbiq edilən tədbirlərə bənzəyir. Bu həm fərdi, həm də komanda idman növlərinə aiddir.

Martın 18-də Qəzza zolağında döyüşlər yenidən başlayıb və nəticədə bu ilin yanvarından qüvvədə olan atəşkəs pozulub. Məhz bu hadisələr Aİ ölkələrinin idman təşkilatlarına mümkün müraciətinə səbəb oldu.