Azərikimya İB-də talassemiyalı xəstələr üçün növbəti qanvermə aksiyası keçirilmişdir - (+FOTOLAR)

“Azərikimya” İB-də talassemiyalı xəstələr üçün növbəti qanvermə aksiyası keçirilmişdir (+FOTOLAR)

AZpress.AZ xəbər verir ki, dekabrın 7-də SOCAR-ın “Azərikimya” İstehsalat Birliyində “Hemofiliya və talasse-miyadan əziyyət çəkən uşaqlara qayğı” Dövlət Proqramı çərçivəsində talassemiyalı xəstələr üçün 2010-cu ildən bəri davamlı olaraq keçirilən növbəti qanvermə aksiyasına yekun vurulmuşdur.
“Azərikimya” İB-nin dəvəti ilə Azərbaycan Respublikası Səhiyyə Nazirliyinin B.Eyvazov adına Elmi Tədqiqat Hematologiya və Transuziologiya İnstitutunun Mərkəzi Qan Bankı tərəfindən ezam olunmuş 12 nəfərlik xüsusi tibb briqadası tərəfindən aparılan və üç gün davam edən qanvermə aksiyasının ilk iki günündə 5-6 dekabr tarixlərində Birliyin Etilen-polietilen zavodunun Etilen və Polietilen istehsalatlarından könüllü müraciət etmiş kimyaçılar müayinə edildikdən və yerindəcə təşkil olunmuş səyyar laboratoriyada yoxlanıldıqdan sonra onların 150 nəfərindən qan götürülmüşdür.
Aksiyanın üçüncü günündə - dekabrın 7-də isə Təmir-tikinti İdarəsinin və “Azərikimya” İB-nin baş ofisinin əməkdaşları minlərlə insan üçün həyati əhəmiyyət kəsb edən bu könüllü hümanitar aksiyada iştirak etmiş və yüzlərlə işçi qan vermişdir.
Bununla da üç gün ərzində “Azərikimya” İB üzrə 300-ə yaxın kimyaçı bu xeyirxah aksiyada iştirak edərək, talassemiyalı xəstələrə dəstək nümayiş etdirmişlər.
Qanvermə aksiyasında “SOCAR-Polimer” MMC-nin və “Karbamid” zavodunun bir qpur əməkdaşı, “Sumqayıt” Peşəkar Futbol Klubunun bəzi üzvləri və Respublika “Qızıl Aypara” Cəmiyyətinin Sumqayıt şəhər bölməsinin bir neçə könüllüsü də iştirak etmişdir.

 

 

 

! © Müəllif hüquqları qorunur ! Məlumatdan istifadə etdikdə istinad mütləqdir ! Məlumat internet səhifələrində istifadə edildikdə müvafiq keçidin qoyulması mütləqdir !!!  

ŞƏRHLƏR :

 

( Sos.şəbəkədə gedən yazışmanin FOTO-ƏKSİ. Məzmun və qramatik səhvlərə görə redaksiya məsuliyyət daşımır )

 
 ( Sos.şəbəkədə gedən yazışmanin FOTO-ƏKSİndə olan qramatik və məzmun səhvlərinə görə redaksiya məsuliyyət daşımır ) 
 Bütün hüquqlar qorunur ! Xəbərlərdən istifadə edərkən    www.AZpress.AZ    saytına istinad zəruridir !