YAP Abşeron rayon təşkilatı Gənclər Birliyinə yeni sədr seçilib - (+FOTOLAR)

YAP Abşeron rayon təşkilatı Gənclər Birliyinə yeni sədr seçilib (+FOTOLAR)

 AZpress.AZ xəbər verir ki, Konfrans ştirakçıları əvvəlcə ümummilli lider Heydər Əliyevin şəhərin mərkəzindəki abidəsi önünə gül dəstələri qoyaraq xatirəsini yad ediblər.

Tədbirdə çıxış edən YAP Abşeron rayon təşkilatının sədri Bilman Vəliyev partiyanın sədri, Prezident İlham Əliyevin rəhbərliyi ilə ölkəmizdə gedən sürətli quruculuq-abadlıq işlərindən, daxili və xarici siyasət sahəsində qazanılmış uğurlardan, Azərbaycan gənclərinin sağlam ruhda böyüməsi və layiqli vətəndaşlar kimi yetişməsi üçün həyata keçirilən ardıcıl və sistemli tədbirlərdən danışıb. Qeyd olunub ki, YAP Abşeron rayon təşkilatı üzvlərinin 50 faizdən çoxunu gənclər təşkil edir.

YAP Abşeron rayon təşkilatı Gənclər Birliyinin sədr müavini Rəşad Baxşəliyev ötən konfransdan keçən müddət ərzində təşkilatın gördüyü işlər barədə məlumat verib.

 

Tədbirdə Bakı Mühəndislik Universitetinin Tələbə Gənclər Təşkilatının sədri Elnur Mirzəyev, Bakı Dövlət İqtisadiyyat və Humanitar Kollecinin müəllimi Gəray Gərəyzadə və YAP Abşeron rayon təşkilatının Qadınlar Şurasının sədri Təyyubə Hüseynova çıxış ediblər. Çıxışlarda bildirilib ki, hazırda Yeni Azərbaycan Partiyası 700 mindən çox insanı öz ətrafında birləşdirir. Bu, xalqımızın Heydər Əliyev ideyalarına sadiqliyinin və Prezident İlham Əliyevin siyasətini dəstəkləməsinin göstəricisidir.

 

Daha sonra YAP Siyasi Şurasının üzvü, Milli Məclisin deputatı Mirzəcan Xəlilov çıxış edərək bildirib ki, Yeni Azərbaycan Partiyası cəmiyyətimizin ən güclü siyasi təşkilatı kimi həmişə ölkəmizdəki ictimai-siyasi proseslərin mərkəzində olub. “Ümummilli lider Heydər Əliyev siyasətini uğurla davam etdirən dövlətimizin başçısı, Yeni Azərbaycan Partiyasının Sədri İlham Əliyevin gənclərə olan diqqət və qayğısı hər birimizin ürəyincədir. Azərbaycan gəncliyi bu diqqət və qayğını yüksək dəyərləndirir, öz məsuliyyətini dərk edir və Prezident İlham Əliyevin müəyyənləşdirdiyi strateji vəzifələrin uğurla həyata keçirilməsinə öz töhfəsini verməyə çalışır”, - deyə M. Xəlilov qeyd edib.

Tədbirdə çıxış edən YAP Abşeron rayon təşkilatının İdarə heyətinin üzvü, Abşeron Rayon İcra Hakimiyyətinin başçısı İradə Gülməmmədova YAP Abşeron rayon təşkilatı Gənclər Birliyinin fəaliyyətini yüksək qiymətləndirərək bildirib ki, Birliyin üzvləri rayonunun ictimai-siyasi həyatında fəal iştirak edirlər. İ.Gülməmmədova rayonda həyata keçirilən abadlıq və quruculuq işləri haqqında da ətraflı məlumat verərək, gəncləri bu istiqamətdə daha fəal olmağa çağırıb.

 

Sonra təşkilati məsələlərə baxılıb. YAP rayon təşkilatı gənclər birliyi idarə heyətinin 17 nəfərdən ibarət yeni tərkibi müəyyən edilib. İdarə heyətində təmsil olunan və yaşı 30-dan yuxarı olan gəncləri 22-28 yaşlı, ali təhsilli, idarə və təşkilatlarda çalışan fəal YAP-çı gənclər əvəz ediblər. Bakı Mühəndislik Universitetinin Tələbə Gənclər Təşkilatının sədri Elnur Mirzəyev YAP rayon təşkilatı Gənclər Birliyinin sədri seçilib.

Tədbirdə bir qrup partiya üzvünə vəsiqələr təqdim olunub.

 

! © Müəllif hüquqları qorunur ! Məlumatdan istifadə etdikdə istinad mütləqdir ! Məlumat internet səhifələrində istifadə edildikdə müvafiq keçidin qoyulması mütləqdir !!!  

ŞƏRHLƏR :

                              

( Sos.şəbəkədə gedən yazışmanin FOTO-ƏKSİ. Məzmun və qramatik səhvlərə görə redaksiya məsuliyyət daşımır )