Oruc tutmaq kimə zərər verə bilər?

Oruc tutmaq orqanizm üçün çox faydalıdır. Ancaq bir insanın səhhətində problem varsa, oruc tutmaq onun rifahına təsir edə bilər.

Oruc tuta bilməyənləri bu meyar əsasında iki kateqoriyaya bölmək olar.

Birinci qrupa, bir qayda olaraq, orucun əks göstəriş olduğu şəxslər daxildir. İkinci qrupa oruc tutmağa başlayan, lakin vəziyyətindən asılı olaraq və ya həkimin tövsiyəsi ilə onu dayandırmağa məcbur olanlar daxildir.

Oruc zamanı yeməkdən imtina etmək insulindən asılı vətəndaşlar üçün xüsusilə təhlükəlidir. Onların qan şəkəri səviyyəsi qəfil yüksələ və ya düşə bilər. Bundan əlavə, mədə xəstəlikləri olan insanlar daim acqarına dərman qəbul etməli, bir müddət sonra yeməyə başlamalıdırlar. Ona görə də belə xəstələrə oruc tutmaq tövsiyə edilmir. Yeməkdən imtina allergiya xəstələri, mədə və onikibarmaq bağırsaq xorası, kəskin qastrit, böyrək çatışmazlığı, 1-ci tip diabet, xoralı kolit, ürək-damar xəstəliyi olan insanlar üçün də təhlükəlidir. 

Mütəxəssis qeyd edir ki, hamilə və süd verən qadınlar oruc tutmamalıdır.