Əlisa Qəmgin: YADA DÜŞÜR XATİRƏLƏR...
1960
Paşam, gümanım sənədir
Bilmirəm bu fitnə nədi.
Qarabağa minin üstə
Doqquz yüz altımış gəldi.
Söylə görüm, açması nə?
Xoşum gəlmədi bu saydan.
Rəqəmləri xəbər verir
Hansı ildən, hansı aydan.
Bu gedişin sonu hiylə
Gəl birgə girək meydana.
Koroğlu babam da demiş
Leş bir yana, baş bir yana.
Paşam belə söylədi ki
Tanrı Türkə yar olacaq.
Qoy eşitsin qara kabus
Ərgünəşdən gün doğacaq.
Mərd analar bu dünyaya
Neçə - neçə Ər doğacaq.
Bu dünyanın son sahibi
Əvvəl-axır Türk olacaq.
ƏLİSA QƏMGİN
03.01.2021
