"Liverpul" ölən futbolçu Jotanın ailəsinə müqavilə məbləğinin tam ödənilməsini təmin edəcək

"Liverpul" dünyasını dəyişən futbolçu Dioqo Jotanın ailəsinə müqaviləsinin bütün məbləğini ödəyəcək. 

28 yaşlı portuqaliyalının müqaviləsinin bitməsinə 2 il qalmışdı. Capology-nin məlumatına görə, ailəyə səkkiz milyon avro ödəniləcək.

Jota və onun qardaşı Andrenin yol qəzasında ölməsi iyulun 3-də məlum olub. Hadisə İspaniya şossesində baş verib: ötmə zamanı təkər partlayıb, bundan sonra avtomobil idarəetməni itirib, yoldan çıxıb, aşıb və alışıb.

Jota 2020-ci ildən "Liverpul"da çıxış edib. Komanda ilə birlikdə İngiltərə çempionu olub, ölkə kubokunu və İngiltərə Liqa Kubokunu qazanıb. Portuqaliya millisinin heyətində forvard 49 oyun keçirib və 14 qol vurub.