Hollandiyanın Wijk aan Zee şəhərində nüfuzlu Tata Steel Chess turnirinin bağlanışında görkəmli Azərbaycan şahmatçısı Vüqar Həşimovun xatirəsinə təsis edilmiş “Fair Play” mükafatının qalibləri məlum olub.

Vüqar Həşimov Fondu tərəfindən təqdim olunan mükafatları özbəkistanlı qrossmeyster Nodirbek Abdusattorov və qazaxıstanlı şahmatçı Noqerbek Kazıbek alıblar.

Mükafatları Vüqar Həşimovun qardaşı, Azərbaycan Şahmat Federasiyasının İcraiyyə Komitəsinin üzvü Sərxan Həşimov təqdim edib.

Fair Play mükafatı 2016-cı ildən təqdim olunur və bu il onuncu dəfədir.