Qələm adamları tək istedadlılara və istedadsızlara deyil, həm də sakit duranlara və çığıranlara bölünür.

Gənclər Kitabxanasında İntiqam Qasımzadə, Şərəf Cəlilli, Yunus Oğuz, Qulu Ağsəs, Zemfira Məhərrəmli və daha kimlər, daha kimlər Xanım Aydının işığına yığışmışdıq. Heç vaxt irəli atılmayan, başını salıb ədəbiyyata, kinoya və mediaya xidmət edən, şeir, hekayə, məqalə, kinossenari yazan, tərcüməçilik və redaktorluq edən zəhmətkeş insandır Xanım Aydın. Üstəlik, qayğıkeş, cəfakeş bir anadır, Daun sindromlu övlad böyüdür.

Xanım Aydın kimilərini önə çıxarmaq bizim borcumuzdur.