Çəkdiyim əzablar dağdan da ağır

Mən şeir yazıram, daşdı misrası.

Qaynayır cəhənnəm qazanı kimi

Şeirə sığmayır, daşdı misrası.

Özüm də bilmirəm yolum haradır

Ağ qarın üstündə yolum qaradır

Mənzili şerimin görən haradır?

Dərəni, təpəni aşdı misrası.

Quzeyi aşmışam, günəyə çıxdım

Yolumda enişə, yoxuşa baxdım

Şerimi körpə tek qoynuma sıxdım

Yoluma işığın saçdı misrası.

Eşqimin yolunda min əzab çəkdim

Bağ,baxça yaratdım, gül-çiçək əkdim

Şerimlə sevgimin şəklini çəkdim

Gözünün üstündə qaşdı misrası.

Fikrim, xəyalımla olmuşam sirdaş

Bir yolçu olmuşam yollara yoldaş

Mən heykəl qurmuşam şerimlə, qardaş

Bədənin üstündə başdı misrası.

Ürəkdir yaşadan, o da ki üzgün

Yaşamaq eşqiylə çarpışır hər gün

Şerini ilhamsız yazsa da Qəmgin

Yolunda sədləri açdı misrası.

ƏLİSA QƏMGİN

15.02.2017