Venesuela qurbanlar üçün matəm elan etdi

Venesuelanın müvəqqəti prezidenti Delsi Rodrigez ölkə lideri Nikolas Maduronun tutulması əməliyyatı zamanı ABŞ-nin zərbələri nəticəsində həlak olan əsgərlər üçün yeddi günlük matəm elan etdi.

Bu barədə "İzvestiya" qəzeti məlumat yayıb.

Yanvarın 4-də Venesuela Ali Məhkəməsi Delsi Rodrigezi müvəqqəti prezident kimi tanıyıb və o, yanvarın 5-də and içib.

Öz növbəsində, ABŞ prezidenti Donald Tramp yanvarın 3-də ABŞ-ın Venesuelaya qarşı genişmiqyaslı hücuma uğurla başladığını elan edib. O, prezident Nikolas Maduro və həyat yoldaşı Siliya Floresin tutularaq Venesueladan çıxarıldığını qeyd edib.

Daha sonra, yanvarın 6-da Tramp Venesuelaya hücum zamanı həlak olan ABŞ əsgərlərinin sayının çoxluğundan təəssüfləndiyini bildirib. O, həmçinin qeyd edib ki, Latın Amerikası ölkəsindəki əməliyyat Vaşinqtonun yerdə nəhəng hərbi qüvvəyə malik olduğunu sübut edib.