Məmmədyarov və Rəcəbov ən çox qazanan qrossmeysterlər arasındadırlar

Şahmat tarixində ən böyük mükafat fondu qazanan qrossmeysterlərin siyahısı tərtib edilib.

Reytinq tərtib edilərkən yalnız mükafat fondu 10.000 dollardan çox olan turnirlər nəzərə alınıb. Siyahıya Azərbaycan qrossmeysterləri də daxildir. Şəhriyar Məmmədyarov karyerası ərzində 1.781.988 dollar (təxminən üç milyon manat) qazanıb, o cümlədən 2025-ci ildə 38.639 dollar (təxminən 65.000 manat). Teymur Rəcəbov ötən ilki 6.275 dollar (təxminən 10.700 manat) da daxil olmaqla 1.117.290 dollar (təxminən 1,9 milyon manat) mükafat fondu qazanıb.

Maqnus Karlsen ümumi mükafat fondu 12.232.249 dollar (təxminən 20,8 milyon manat) ilə reytinqə başçılıq edib. 2025-ci ildə o, 1.455.276 dollar (təxminən 2,5 milyon manat) qazanıb.

Vişvanatan Anand 9.551.844 dollar (təxminən 16,2 milyon manat) ilə ikinci, Qarri Kasparov isə 8.045.979 dollar (təxminən 13,7 milyon manat) ilə üçüncü yeri tutub.

Xatırladaq ki, reytinqlər 31 dekabr 2025-ci il tarixinə əsaslanır.