Ana oğlunu radiatora bağlayaraq vəhşicəsinə döyüb
Qazaxıstanın Jetisu bölgəsində uşaq zorakılığı ilə bağlı bir hadisə qeydə alınıb: bir ana oğlunu radiatora bağlayaraq vəhşicəsinə döyüb. Hadisə zamanı mənzildə daha üç uşaq olub. Qazaxıstan Respublikası Təhsil Nazirliyinin Uşaq Hüquqlarının Müdafiəsi Komitəsi vəziyyətlə bağlı şərh verib.
"Bu iş üzrə istintaq tədbirləri davam etdirilir. Ana saxlanılıb və müvəqqəti saxlama yerində yerləşdirilib. Uşaqlar hazırda təhlükəsiz yerdədirlər. Yaralı uşaq bütün lazımi tibbi yardım alıb. Yetkinlik yaşına çatmayanların vəziyyəti sabitdir və onlar ixtisaslı psixoloji dəstək alırlar", - deyə idarə vurğulayıb.
Həmçinin bildirilib ki, qəyyumluq və himayə orqanları qadının valideynlik hüququndan məhrum edilməsini müəyyən edilmiş qanuni prosedurlara uyğun olaraq nəzərdən keçirəcəklər. Regional uşaq hüquqları üzrə ombudsman bu vəziyyəti şəxsən izləyir.
