Özbəkistanda bir vətəndaş Ukraynadakı müharibədə iştirak etdiyinə görə məhkum edilib

Özbəkistanın Namanqan vilayətində məhkəmə yerli sakinə Ukraynadakı hərbi əməliyyatlarda iştirak etdiyinə görə üç il altı ay müddətinə azadlıq məhdudiyyəti tətbiq edib. Həmin şəxs muzdluluqda təqsirli bilinib.

Məhkəmənin məlumatına görə, o, Rusiya həbsxanasında olarkən Rusiya Silahlı Qüvvələri ilə müqavilə imzalayıb və 2025-ci ilin yanvar ayında Donetsk vilayətindəki döyüş zonasına göndərilib. Yaralandıqdan sonra xəstəxananı icazəsiz tərk edib və Özbəkistan səfirliyinin köməyi ilə vətəninə qayıdıb və orada ədalət mühakiməsinə cəlb edilib.