"Real Madrid" Arda Güleri böyük məbləğə satmağa hazırdır

"Real Madrid" yarımmüdafiəçi Arda Güleri 90 milyon avroya (180 milyon manat) satmağı düşünür ki, bu da onun keçmiş klubu "Fənərbaxça"ya əhəmiyyətli maliyyə qazancı gətirə bilər.

İspaniya klubu 19 yaşlı oyunçunun Madrid klubunda oynamasına baxmayaraq, göstərilən məbləğ daxilində təklifləri nəzərdən keçirməyə hazırdır.

"Çelsi" və "Arsenal" da daxil olmaqla, İngiltərə Premyer Liqasının aparıcı klubları yarımmüdafiəçi ilə maraqlanır və onun vəziyyətini yaxından izləməyə davam edirlər.

Qeyd etmək lazımdır ki, Arda Gülərin "Real Madrid"lə müqaviləsində "Fənərbaxça"ya sonrakı satış qiymətinin 20 faizini almağa imkan verən bənd var. 90 milyon avroluq transfer İstanbul klubuna 18 milyon avro (36 milyon manat) qazanc gətirəcək.