"Krokus"da törədilən terror aktında əli olan 40-dan çox adam həbs edilib

Rusiya xüsusi xidmət orqanları “Krokus Siti Holl”da törədilən terror aktında əli olan 45 nəfəri müəyyən edib və saxlayıb.

Bunu TASS-a müsahibəsində Rusiya Təhlükəsizlik Şurasının katibi Sergey Şoyqu deyib.

Onun sözlərinə görə, “Rusiya ərazisində, ilk növbədə Şimali Qafqazda gizli hücrələr və yeraltı dəstələr yaratmaq istəyən beynəlxalq terror təşkilatlarından təhdidlər qalmaqdadır”.

Bundan əlavə, o əlavə edib ki, Qərb ölkələrinin Rusiya Federasiyasını geosiyasi maraqlarının regionlarında, ilk növbədə Mərkəzi və Cənubi Asiya, Cənubi Qafqaz, Dnestryanı, Yaxın Şərq və Afrika qitəsində cilovlamaq üçün terrorçu qruplardan istifadə etməsi riski yüksək olaraq qalır.