Bayraktar: "Teknofest" gələcəkdə Avropa ölkələrində keçirilə bilər

"Teknofest" aviasiya, kosmonavtika və texnologiya festivalı gələcəkdə Avropa ölkələrində də keçirilə bilər.

Bu barədə festivalın idarə heyətinin sədri və "Baykar"ın texniki direktoru Səlcuq Bayraktar məlumat verib.

"Biz Avropa ölkələrində, xüsusən də Almaniyadakı qardaşlarımız üçün Technofest təşkil etmək istərdik. Biz bu festivalı dost və qardaş ölkələrdə keçiririk. Düşünürəm ki, zaman keçdikcə Avropa ölkələrinə də çatacaq".

11-ci "Teknofest" Şimali Kiprin paytaxtı Lefkoşada keçirilir və mayın 4-də başa çatacaq.