“Neftçi” final seriyasında xal fərqini azaldır

Kişilər arasında Azərbaycan Basketbol Liqasının final seriyası davam edir.

Bu gün həlledici seriyanın 3-cü qarşılaşması baş tutub.

İlk iki görüşdə "Sabah" qalib gəlib, üçüncü görüşdə isə komanda yenidən "Neftçi" ilə qarşılaşıb. Bakı İdman Sarayında baş tutan qarşılaşma qonaqların qələbəsi ilə yekunlaşıb. İlk hissədə 17 xallıq üstünlüyü ələ keçirən “ağ-qaralar” matçın sonuna qədər bu fərqi qoruya bilib. “Neftçi” 3 xal fərqi ilə qalib gəlib.

Seriyanın növbəti oyunu iki gün sonra baş tutacaq.

Qeyd edək ki, final seriyası komandalardan biri 4 dəfə qalib gələnə qədər davam edir.