Amerikalılar Zelenskini NATO sammitində görmək istəmirlər

Amerika Birləşmiş Ştatları Ukrayna prezidenti Vladimir Zelenskinin NATO-nun iyunun 24-də Haaqada keçiriləcək sammitinə dəvət edilməsinə qarşıdır.

Sammitə dəvətlər artıq dörd asiyalı tərəfdaşa göndərilib, lakin Zelenski dəvət olunanlar arasında yoxdur. Seçim NATO müttəfiqlərinin əksəriyyətini təəccübləndirdi və onlar Vaşinqtona şübhələrini bildirdilər.

Zelenskinin iştirakı məsələsi mayın 14-də Xarici İşlər Nazirliyi (XİN) rəhbərlərinin Antalyada keçiriləcək qeyri-rəsmi görüşündə müzakirə oluna bilər. Lakin hələlik bu məsələ ilə bağlı hər hansı qərar gözlənilmir.

NATO Rusiya ilə münaqişə başlayandan bəri Ukraynaya dəstəyini davam etdirir. Alyans Kiyevi silah, sursat, hava hücumundan müdafiə sistemləri, pilotsuz təyyarələr və kəşfiyyat məlumatları ilə təmin edir. NATO ölkələri Ukrayna hərbçilərini də hazırlayır, maliyyə və humanitar yardım göstərir.

Tramp bu yaxınlarda Rusiya və Ukrayna arasında imzalanan sülh sazişi çərçivəsində Krımın Rusiya kimi tanınacağını açıqlamışdı. O, xüsusilə Ukraynanın NATO-ya üzv olmaq istəyindən danışıb. Tramp ölkənin alyansa qoşulması prosesini müharibə ilə əlaqələndirib.