Rusiya və Ukrayna nümayəndə heyətlərinin İstanbulda görüşünün vaxtı dəqiqləşib

Rusiya nümayəndə heyəti mayın 15-nə planlaşdırılan Ukrayna tərəfi ilə danışıqlar aparmaq üçün İstanbula gəlib.

Bu barədə RT-nin jurnalisti Konstantin Pridibaylo məlumat verib.

Bundan əvvəl nəşr "Rusiya" xüsusi uçuş eskadrilyasının İl-62M təyyarəsinin İstanbul hava limanına eniş etdiyini bildirmişdi.

Nümayəndə heyətinə Rusiya prezidenti Vladimir Putinin köməkçisi Vladimir Medinski başçılıq edib.

Mayın 14-ü axşam saatlarında Rusiya prezidenti Vladimir Putin Ukrayna ilə danışıqlar üçün Rusiya nümayəndə heyətinin tərkibini formalaşdırıb. Moskvadan Türkiyəyə Rusiya xarici işlər nazirinin müavini Mixail Qaluzin, Rusiya Federasiyasının müdafiə nazirinin müavini Aleksandr Fomin və Rusiya Federasiyası Silahlı Qüvvələri Baş Qərargahının Baş İdarəsinin rəisi İqor Kostyukov da gediblər.

Ukrayna tərəfdən danışıqlarda prezident aparatının rəhbəri Andriy Yermak, müdafiə naziri Rustem Umerov, xarici işlər naziri Andriy Sıbiha və dövlət başçısının müşaviri İqor Jovkva iştirak edəcək.

İstanbulda Rusiya və Ukrayna nümayəndə heyətləri arasında danışıqların nahardan sonra başlanması gözlənilir.

Qeyd edək ki, görüşün əvvəllər Bakı vaxtı ilə saat 11:00-da başlaması nəzərdə tutulmuşdu.