Erməni bloger Rusiyada pornoqrafiya yaydığına görə həbs edilib

Rusiyanın paytaxtı Moskvanın Kuntsevo Məhkəməsi İnstaqramda 2 milyon izləyicisi olan gözəllik bloqeri və plastik cərrah Yuri Altunyanı həbs edib.

Altunyan pornoqrafiya yaymaqda şübhəli bilinir (Rusiya Federasiyası Cinayət Məcəlləsinin 242-ci maddəsinin 3-cü hissəsinin b bəndi).

Onu 6 ilə qədər həbs gözləyir. Mayın 16-da məhkəmə bloqqerin barəsində həbs qətimkan tədbiri seçib. Qərar mayın 20-dən qüvvəyə minəcək.

Altunyan profilində özü haqqında yazır: “Üz-çənə cərrahı, plastik cərrah, kosmetoloq”. Bloqerin səhifəsində dodaqların formasını və həcmini düzəltmək üçün plastik cərrahiyyəyə həsr olunmuş bir çox paylaşımlar var. Ən son material 2024-cü ilin avqust ayına aiddir.

Beləliklə, 2025-ci ilin fevralında o, müştərilərini Krasnodar, Soçi və Rusiyanın digər cənub şəhərlərində çəkilişlərə dəvət etdi. Plastik cərrahın Moskvada öz tibb mərkəzi də var.