Malta və Fransa iyunda Fələstinin müstəqilliyini tanıyacaq

Maltanın baş naziri Robert Abela ölkəsinin tezliklə Fələstinin müstəqilliyini tanıyacağını bildirib.

Onun sözlərinə görə, müvafiq bəyanatın iyunun 20-də BMT-nin dəstəyi ilə Səudiyyə Ərəbistanı və Fransanın təşkil etdiyi beynəlxalq konfransda səsləndirilməsi planlaşdırılır.

Malta hakimiyyəti bu konfransda Maltanın Fələstini tanıdığını elan edən yeganə dövlət olmayacağını açıq şəkildə bəyan edib.

Axios-un məlumatına görə, Fransa da analoji qərar qəbul etməyə hazırlaşır. Prezident Emmanuel Makron 2025-ci ilin aprelində France 5-ə verdiyi müsahibədə Fələstinin müstəqilliyini “yaxın aylarda” tanımaq planlarından danışdı.

2024-cü ildə Norveç, İrlandiya, İspaniya, Sloveniya və Ermənistan artıq Fələstini müstəqil dövlət kimi tanıdıqlarını bəyan ediblər.