Ermənistan və Böyük Britaniya 2027-ci ilə qədər müdafiə sahəsində əməkdaşlıq proqramı imzalayıb

Ermənistan və Böyük Britaniyanın Müdafiə nazirlikləri 2025-2026-cı illər üçün əməkdaşlıq proqramı imzalayıblar.

Bu barədə Ermənistan mətbuatı məlumat yayıb.

Məlumata görə, bu gün İrəvanda müdafiə məsələləri üzrə növbəti Ermənistan-Britaniya məsləhətləşmələri keçirilib, görüşdə regional və beynəlxalq təhlükəsizlik və müdafiə sahəsində əməkdaşlıqla bağlı məsələlər müzakirə olunub.

Məsləhətləşmələrdən sonra Ermənistan Müdafiə Nazirliyinin Müdafiə Siyasəti və Beynəlxalq Əməkdaşlıq İdarəsinin rəisi Levon Ayvazyan və Böyük Britaniya Müdafiə Nazirliyinin Rusiya, Şərqi Avropa və Mərkəzi Asiya üzrə siyasət direktoru Kristofer Kay 2025-2026-cı illər üçün əməkdaşlıq proqramı imzalayıblar.