Suriya prezidenti 60 ildən sonra ilk dəfə BMT-də çıxış edəcək

Suriyanın keçid dövrünün prezidenti Əhməd əl-Şaraa sentyabrda ABŞ-yə səfər edəcək.

Eksklüziv mənbələr Suriya TV-yə bildiriblər ki, Suriya prezidenti Əhməd əl-Şara sentyabr ayında ABŞ-yə səfər edəcək və BMT-də iclasda çıxış edəcək.

Kanalın qeyd etdiyi kimi, bu, Suriya prezidentinin son 60 ildə BMT-dəki ilk çıxışı olacaq.

Aprel ayında Suriyanın xarici işlər naziri Əsəd Əl-Şeybani Birləşmiş Millətlər Təşkilatının Nyu-Yorkdakı mənzil-qərargahında ölkəsinin yeni bayrağını qaldırıb. O, bu anı “tarixi” adlandırıb. Diplomatın sözlərinə görə, suriyalılar bu addımı 14 ildir ki, gözləyirlər.