İranın Baş Qərargah rəisi İsrailə qarşı cəza əməliyyatı elan edib

İran Silahlı Qüvvələrinin Baş Qərargah rəisi Əbdülrəhim Musəvi israilliləri “canlarını xilas etmək üçün” Təl-Əviv və Hayfanı tərk etməyə çağırıb.

Onun çıxışı İran telekanallarında yayımlanıb.

“İşğal edilmiş ərazilərin sakinlərinə, xüsusən də Təl-Əviv və Hayfaya həyatlarını xilas etmək üçün bu əraziləri tərk etmələri barədə xəbərdarlıq edilir”, - Musəvi vurğulayıb.

Onun sözlərinə görə, indiyədək aparılan əməliyyatlar çəkindirmə üçün xəbərdarlıq olub.

“Yaxın vaxtlarda cəza əməliyyatı keçiriləcək”, - Musəvi bildirib.