Xarici jurnalistlər Tehranın dağıdılmış Evin həbsxanasına baş çəkiblər

İsrailin Tehrana endirdiyi zərbədən sonra beynəlxalq jurnalistlər Evin həbsxanasına baş çəkiblər.

Bu barədə “Azad İran” Telegram kanalı məlumat yayıb.

İranın məhkəmə sisteminə aid olan “Mizan Online” müvafiq görüntüləri yayıb.

Məlumata görə, səfərdə "Reuters", "Associated Press", "Russia Today", "Al Jazeera", "CCTV" və "Anadolu" kimi xarici nəşrlərin müxbirləri iştirak edib.

Jurnalistlərin həm həbsxana ərazisinə, həm də İsrailin hücumları nəticəsində ciddi ziyan dəymiş məhkəmə administrasiyasının binalarına baxış keçirdikləri qeyd edilir.