Türkiyə Rusiyanın S-400 raketlərindən imtina edəcək

ABŞ-nin Türkiyədəki səfiri Tom Barrak 5 dekabrda bildirib ki, Türkiyə hazırda Rusiyanın S-400 hava hücumundan müdafiə raket sistemlərindən istifadə etmir və onlardan tamamilə imtina edə bilər.

Barrak Ankaranın S-400-dən imtina etməyə yaxınlaşıb-yaxınlaşmadığı sualına "Bəli" cavabını verib.

Barak əmin olduğunu bildirib ki, S-400 sistemi ilə bağlı məsələlər növbəti dörd-altı ay ərzində həll olunacaq.

18 sentyabrda bəzi media orqanlarında Rusiya hava hücumundan müdafiə sistemlərinin geri qaytarıla və ya üçüncü tərəfə satıla biləcəyi ilə bağlı yayılan məlumatlara cavab olaraq Türkiyə Müdafiə Nazirliyi S-400-lərin Türkiyə ordusunun xidmətində qalacağını və onların funksiyalarında heç bir dəyişiklik planlaşdırılmadığını bildirib.