Azərbaycan 14 yaşadək cüdoçular arasında Milli Çempionata ev sahibliyi edəcək

Dekabrın 25-dən 28-dək Azərbaycan 14 yaşa qədər idmançılar arasında Cüdo üzrə Milli Çempionata ev sahibliyi edəcək.

Yarış Abşeron Olimpiya Kompleksində keçiriləcək. Turnirdə ölkə üzrə 98 klub və idman cəmiyyətindən 423 cüdoçu - 321 oğlan və 102 qız - 18 çəki dərəcəsində medallar uğrunda mübarizə aparacaq.

Fərdi yarışlar 25-27 dekabr tarixlərində, komanda turniri isə 28 dekabrda keçiriləcək.

Yarışlar hər gün saat 11:00-da başlayacaq.