Gənc azərbaycanlı pilot tarixə düşdü

Gənc azərbaycanlı sürücü Davin Cəfərov Portuqaliyanın Madeyra şəhərində mövsümün son kartinq yarışını uğurla başa vurdu.

16 yaşlı idmançı ilk dəfə DD2 MAX kateqoriyasında yarışdı.

Cəfərov turnirdə BirelArt komandasının yeganə nümayəndəsi idi.

Üç günlük yarış əlverişsiz hava şəraitində keçdi. Buna baxmayaraq, Davin Cəfərov 1040 metrlik Madeyra trekində üçüncü yeri tutmaqla yanaşı, həm də ən sürətli dövrə rekordunu qıraraq mütəxəssislərin və tamaşaçıların diqqətini çəkdi.

Xüsusilə, Cəfərov Madeyra trekində yarışan ilk xarici sürücü kimi tarixə düşdü. Bu çıxış gənc idmançı üçün cari kartinq mövsümünün sonu oldu.

Növbəti kartinq mövsümünün 2026-cı ilin fevral ayında başlaması planlaşdırılır. Davin Cəfərov gələn il Dünya və Avropa çempionatlarında, eləcə də bir neçə beynəlxalq turnirdə iştirak etməyi planlaşdırır. Gənc pilot yeni mövsümə hazırlığını Portuqaliya və İspaniyada davam etdirəcək.