Cüdoçuların komanda yarışı da başa çatıb 

Dekabrın 25-də Xırdalandakı "Abşeron" OİK-də 14 yaşlı (U-14) cüdoçular arasında fərdi yarışlarla startı verilən seçmə xarakterli Azərbaycan birinciliyinə dekabrın 28-də baş tutan komanda yarışları ilə yekun vurulub.

ACF-dən verilən məlumata görə, bu yarışda 15 (10 oğlan və 5 qız) komanda mübarizə aparıb. Oğlanların yarışında qalib adını Bakı şəhəri 13 nömrəli İOEUGİM PHŞ qazanıb. 2-ci yeri Abşeron-Xızı RGİİ tutub. 3-cu yerisə Respublika Kompleks İdman Məktəbi ilə Sumqayıt şəhər 1 nömrəli İOEUGİM qapayıb.

Qızların analoji yarışında isə Gəncə - Daşkəsən RGİİ qalib olub. İkinci yeri Bakı şəhəri 13 nömrəli İOEUGİM PHŞ, üçüncü yerisə Respublika Kompleks İdman Məktəbi tutub.

Xatırladaq ki, reqlamentə görə, reqlamentə görə həm oqlanlar, həm də qızlar fərdi yarışlarda 9 çəki dərəcəsində mübarizə aparıblar. Hər çəki dərəcəsində ilk üç yeri tutan cüdoçu ölkə yığmasına cəlb edilib.

İNTİQAM Məmmədov