UFC-nin Ağ Evdəki tarixi tədbiri 60 milyon dollara başa gələcək

Ultimate Fighting Championship (UFC) Ağ Evdə (ABŞ) tədbir keçirmək üçün 60 milyon dollara qədər pul xərcləyəcək.

Bu barədə MMA Fighting məlumat yayıb.

Tədbir üçün UFC Cənubi Çəmənlikdə səkkizbucaqlı və tamaşaçılar üçün tribunalar tikəcək. Döyüşçülərin döyüşə Oval Ofisdən daxil olmaları gözlənilir.

UFC Ağ Ev tədbiri 14 iyunda keçiriləcək və Müstəqillik Bəyannaməsinin 250 illiyinə təsadüf edəcək. Bu, Ağ Evdə keçirilən ilk peşəkar idman tədbiri olacaq.