İranda 40 günlük matəmlə əlaqədar olaraq Türkiyə sərhəd keçid məntəqəsində qara bayraq qaldırılıb

ABŞ və İsrailin İrana qarşı apardığı hərbi əməliyyatlar nəticəsində Türkiyədəki Esendere gömrük məntəqəsində məhdudiyyətlər tətbiq edilib.

Qeyd olunur ki, İranda 40 günlük matəm elan edilməsi ilə əlaqədar sərhəd keçidində qara bayraq qaldırılıb.

Eyni zamanda, təhlükəsizlik səbəbi ilə qəbul edilmiş qərara əsasən, Tehran və Ankara arasında ümumi hərəkət dayandırılıb. Vətəndaşların nəzarətli şəkildə ölkələrinə qayıtmasına icazə verilir.

Xatırladaq ki, 28 fevralda İsrail müdafiə naziri İsrael Katz İsrail Müdafiə Qüvvələrinin İslam Respublikasına qarşı qabaqlayıcı zərbə endirdiyini açıqlayıb. Tehran da daxil olmaqla, İranın böyük şəhərləri vurulub. Hər iki ölkə hava məkanını bağlayıb. Daha sonra ABŞ prezidenti Donald Tramp Vaşinqtonun da hərbi əməliyyatda iştirak etdiyini açıqlayıb.

İran da öz növbəsində genişmiqyaslı cavab zərbəsi endirdiyini və yəhudi dövlətinə onlarla ballistik raket atdığını bildirib. Həmçinin Yaxın Şərqdəki Amerika bazalarına - Qətər, BƏƏ, Bəhreyn, İraq, Səudiyyə Ərəbistanı və İordaniyaya zərbələr endirilib. Bütün bu ölkələrin hava məkanı bağlı olaraq qalır.

İslam Respublikasında tammiqyaslı müharibənin başlamasından bəri ABŞ-İsrail zərbələri nəticəsində 500-dən çox insan həlak olub. Ali Rəhbər Əli Xameneinin və Ayətullah Əli Şamxaninin müşaviri, İİKK komandiri Məhəmməd Pakpur və müdafiə naziri Əziz Nəsirzadə də daxil olmaqla bir neçə yüksək vəzifəli hərbi məmurun ölümü barədə də məlumatlar yayılıb.