Şahmatçımız Ülviyyə Fətəliyeva Buxara turnirinin qalibi olub 

Özbəkistanin Buxara şəhərində şahmat üzrə keçirilən və Azərbaycan təmsilçisi Ülviyyə Fətəliyevanın da iştirak etdiyi "4-cü Women's Chess Championship" tuniri başa çatıb.

AŞF-dən verilən məlumata görə, 8 ölkəni təmsil edən 10 zəka sahibinin dairəvi sistem üzrə mübarizə apardığı bu turnirin qalibi Azərbaycan təmsilçisi, Avropa və Azərbaycan çempionu adını daşıyan Ülviyyə Fətəliyeva olub. O, 9 turdan 6,5 xal toplamaqla bütün rəqiblərini geridə qoyub. Turnirdə ikinci yeri gürcüstanlı Nona Dzaqnidze, üçüncü yeri isə hindistanlı Harika Dranovilli tutub. 

İNTİQAM Məmmədov