Cüdoçumuz Turan Bayramov "Böyük Dəbilqə"də gümüş medal qazanıb 

Martın 20-də Gürcüstanın paytaxtı Tbilisidə böyüklər arasında cüdo üzrə reytinq xarakterli "Böyük Dəbilqə" turnirinə start verilib. Dünya Cüdo Seriyasından olan və Azərbaycan cüdoçularının da qatıldığı turnirin ilk günü yiqmamizin aktivinə bir gümüş medal yazılıb. Medalın sahibi isə yalnız finalda büdrəyən Turan Bayramovun (66 kq) payına düşüb. Qeyd edək ki, 23 yaşlı cüdoçumuz karyerasında 4-cü, yeni çəkisində isə 1-ci "Böyük Dəbilqə" medalı olub. 

Xatırladaq ki, finalda qazaxıstanlı rəqibi Nurkanat Serkibayevə uduzan Bayramov finala gedən yolda Fransa, Rusiya, Almaniya, Finlandiya və Gürcüstan təmsilçisini məğlub edib. 

İNTİQAM Məmmədov