Millimiz Sumqayıtda meydana çıxacaq 

Martın 27-də Azərbaycanın futbol üzrə əsas yığma komandası baş məşqçi Ayxan Abbasovun rəhbərliyi altında növbəti matçına çıxacaq. Söhbət FİFA-nin yeni lahiyəsi çərçivəsində keçirilən "FİFA Series-2026" turnirindən gedir. Millimiz bu turnir çərçivəsində iki oyun keçirəcək. Maraqlıdır ki, hər iki oyun Sumqayıt şəhərindəki Mehdi Hüseynzadə adına stadionda baş tutacaq.

Xatırladaq ki, martın 27-də Sent Lüislə qarşılaşacaq (saat 19:00-da) millimiz martın 30-da isə eyni məkanda, eyni vaxtda Syerra Leone komandası ilə üzləşəcək.

İlk matçı gürcüstanlı hakimlər briqadası idarə edəcək. Baş hakim Giorgi Kruaşviliyə onun həmyerliləri olan Levan Varamışvili və Giorgi Elikaşvili kömək edəcək. Matçın dördüncü hakimi isə Koba Revazaşvili olacaq.

İNTİQAM Məmmədov