FİFA Türkiyənin iki klubuna transfer qadağası qoyub

FİFA Türkiyənin "Kayserispor" və "Amedspor" klublarına sərt transfer qadağası tətbiq edib.

Bu barədə təşkilatın mətbuat xidməti məlumat yayıb.

Məlumata görə, Super Liqada çıxış edən "Kayserispor" növbəti üç ardıcıl transfer pəncərəsində heyətinə yeni oyunçular əlavə edə bilməyəcək.

Birinci Liqa klubu olan "Amedspor" üçün vəziyyət daha da ciddidir. Kluba qeyri-müəyyən müddətə transfer etmək tamamilə qadağan edilib.