Gəncədə 100-dən çox cüdoçu yeni kəmərlər uğrunda imtahandan keçib

2 apreldə Gəncə İdman Sarayında Azərbaycan Cüdo Federasiyasının təşkilatçılığı ilə rəsmi kəmər dərəcəsi imtahanı keçirildi.

İmtahanda 120 cüdoçu iştirak edərək, yaş kateqoriyalarına uyğun ağ-sarı, sarı, narıncı, yaşıl və mavi kəmərlər qazanmaq üçün bacarıqlarını nümayiş etdirdilər. İmtahandan uğurla keçən idmançılara müvafiq kəmərlər və sertifikatlar verildi.

Bu kəmər dərəcəsi imtahanları cüdo texnikalarının daha sistemli və hərtərəfli mənimsənilməsinə kömək edir və idmançıların motivasiyasını artırır. Bundan əlavə, bu dərəcələri qazanmaq gələcəkdə nüfuzlu daxili yarışlarda iştirak etmək üçün vacib şərtdir.