Bəhram Şəms: 

Hətərənə-pətərənə şeir

Iştı dasi bıdon bəçımı das...

ni bəşem... bəmandem iyo...

İ umır ıştıne bıvoton...

şo bəbem... bəmardem iyo...

 

 

Bəxt dənışo bəçəmə arə...

baxtəvəron baxtəvər bəbem...

Dardi daso vəş bıqətom...

pərvonə bəbem, luləpər bəbem...

 

 

Ebəqınem dumo ıştə dardi,

bəvitem dəy jıqo-jəqo...

Iştə anqışton vılə çanqə bəkam,

lap çımı dason dılə bıçəko...

 

 

Aşiqon sevdoku mardedən...

vindedəş, orəxedə qıləy nəğıl...

Bardedən bə mu kardedən -

merdon tənısk, jenon nığıl...

2026.