Görkəmli ədib Seyran Səxavətin 80 illik yubileyi qeyd edildi

2 aprel tarixində görkəmli Azərbaycan yazıçısı, şair və dramaturq Seyran Səxavətin 80 illik yubileyinə həsr olunmuş bədii-musiqili gecə keçirilmişdir.

Gecədə bir sıra tanınmış ziyalılar çıxış etmişlər. Bu sırada yazıçı və millət vəkili Aqil Abbas, alim Rafiq Əliyev, professor Cəlil Nağıyev, şairə Nigar Həsənzadə, şairə Cığatel İsaqızı və Dilarə Ağamusa yer almışdır.

Tədbir çərçivəsində Azərbaycan Yazıçılar Birliyinin təbrik məktubu səsləndirilmişdir. Daha sonra mədəniyyət nazirinin müavini Fərid Cəfərov yubilyara diplom təqdim etmişdir.

Zəngin musiqi proqramında Azərbaycan xalq mahnıları və bəstəkar əsərləri səsləndirilmişdir. Eyni zamanda F.Əmirov adına Əməkdar Kollektiv Azərbaycan Dövlət Mahnı və Rəqs Ansamblının instrumental heyəti (baş dirijor Mustafa Aşurov, musiqi rəhbəri Mahir Ordubadi), solistlər sırasında isə Əməkdar artist Elza Seyidcahan, Zeynal Əhmədov, Almaz Orucova, Könül Tağıyeva, Nizami Abdullayev, Cabir Abdullayev, Təşkilat Nəsirov, Sevinc Sarıyeva, Eldəniz Məmmədov və Vüsal Qasımov çıxış etmişlər.

Gecə ərzində yubilyar Seyran Səxavət öz şeirlərini səsləndirmiş, o cümlədən “Ay ilk məhəbbətim” şeirini bölüşmüşdür. Həmçinin dinləyicilərin suallarını cavablandırılmışdır.

Tədbir Azərbaycan ədəbiyyatı və musiqisinin vəhdətini nümayiş etdirərək yüksək sənət atmosferində başa çatmışdır.