İki Azərbaycan idmançısı Avropa Tamblinq Çempionatının finalına yüksəlib

Azərbaycanlı tamblinq idmançıları Tofiq Əliyev və Mixail Malkin hazırda Portuqaliyada davam edən Avropa Çempionatının finalına vəsiqə qazanıblar.

Bu barədə Azərbaycan Gimnastika Federasiyası məlumat verib.

Tofiq Əliyev (54.700 xal) və Mixail Malkin (54.800 xal) fərdi yarışın final mərhələsinə vəsiqə qazanıblar. Azərbaycan tamblinq komandası da komanda finalında mübarizə aparacaq.

Xatırladaq ki, 2025-ci ildə Çinin Çendu şəhərində keçiriləcək Dünya Oyunlarında Tofiq Əliyev hər saltoda (tam-tam) tam fırlanma ilə üçqat arxa salto yerinə yetirən ilk gimnast olub və gümüş medal qazanıb.