Argentinada Maradonanın ölümündə ittiham olunan həkimlərin məhkəməsi başlayır

Argentinalı futbolçu Dieqo Maradonanın əməliyyatından sonra ona qulluq edən yeddi tibb işçisi məhkəmə qarşısına çıxacaq. Onlar məşhur idmançının ölümündə qəsdən adam öldürməkdə ittiham olunurlar.

Məlumatda deyilir ki, Buenos Ayres yaxınlığındakı San İsidro məhkəməsi dünya çempionunun ölümünə səbəb ola biləcək tibbi səhlənkarlıq işi üzrə təxminən 100 şahidi dinləməyi planlaşdırır.

Prokurorlar hesab edirlər ki, həkimlər protokolları pozublar və Maradonanın beyin əməliyyatından sonra sağaldığı ev "dəhşət teatrına" bənzəyirdi və lazımi qayğı göstərməyib.

Həkimlərin özləri bu ittihamları rədd edir və vəkilləri idmançının uzun müddətdir davam edən sağlamlıq problemləri səbəbindən onun ölümünün qaçılmaz olduğunu deyirlər. Bundan əlavə, Maradona uzun illər alkoqol və narkotik asılılığından əziyyət çəkirdi. Günahkar olduqları təqdirdə, onları 8 ildən 25 ilə qədər həbs cəzası gözləyir.

La Nacion qəzetinin 27 mart 2025-ci il tarixli məhkəmə patoloquna istinadən verdiyi məlumata görə, Maradona ölümündən 12 saat əvvələ qədər əzab çəkmiş ola bilər. Meyit müayinəsi zamanı onun ürəyinin 503 qram ağırlığında olduğu məlum olub ki, bu da onun yaşıdları üçün normal çəkidən iki dəfə çoxdur.

Xatırladaq ki, Maradona 25 noyabr 2020-ci ildə 60 yaşında vəfat edib. Ölüm səbəbi kəskin ürək çatışmazlığı və ağciyər ödemi olub. Bundan sonra Argentina prokurorluğu mümkün tibbi səhlənkarlıqla bağlı araşdırmaya başlayıb.