Qobustanda baş verən torpaq sürüşməsi nəticəsində bir nəfər ölüb, bir nəfər yaralanıb

Bakının Qaradağ rayonunun Qobustan kəndində bir neçə nəfərin köməksiz vəziyyətdə qalması barədə məlumat Azərbaycan Fövqəladə Hallar Nazirliyinin (FHN) 112 qaynar xəttinə daxil olub.

Bu barədə nazirliyin mətbuat xidmətindən məlumat verilib.

FHN-nin Xüsusi Riskli Xilasetmə Xidmətinin və Dövlət Yanğından Mühafizə Xidmətinin bölmələri dərhal əraziyə göndərilib.

Vəziyyətin qiymətləndirilməsi zamanı qazıntı işləri zamanı torpaq sürüşməsinin baş verdiyi və iki nəfərin tələyə düşdüyü məlum olub.

Xilasetmə əməliyyatı nəticəsində bir nəfər xilas edilib, bir nəfərin cəsədi isə çıxarılaraq aidiyyəti üzrə təhvil verilib.

Hadisə ilə bağlı araşdırma aparılır.