Azərbaycan milli sumo komandası Avropa Sumo Çempionatında yarışacaq

Azərbaycan kişi və qadın sumo komandaları 26-29 iyun tarixlərində Şotlandiyanın Stirlinq şəhərində keçiriləcək Avropa Çempionatında mübarizə aparacaqlar.

"Kişilər bütün mövcud kateqoriyalarda, qadınlar isə bəzi kateqoriyalarda yarışacaqlar. Yekun komanda heyəti hələ müəyyən edilməyib", - deyə Azərbaycan Yapon Döyüş Sənəti və Mədəniyyəti Assosiasiyasının vitse-prezidenti Ülvi Ağamirov Azərtaca bildirib.

Onun sözlərinə görə, yekun komanda heyəti daha sonra təsdiqlənəcək.

Avropa Çempionatı Azərbaycan sumo güləşçiləri üçün mövsümün əsas beynəlxalq tədbirlərindən biri olacaq.