Azərbaycan-İran sərhədində yeni keçid məntəqəsi açılacaq

Azərbaycan və İran sərhədində yeni keçid məntəqəsi açılacaq.

Bu barədə Milli Məclisin İqtisadi Siyasət, Sənaye və Sahibkarlıq Komitəsinin bu gün keçirilən iclasında Dövlət Gömrük Komitəsinin sədri Şahin Bağırov bildirib.

O qeyd edib ki, son illərdə Azərbaycan bir sıra gömrük keçid məntəqələrində infrastrukturun modernləşdirilməsini davam etdirir.

"Yaxın gələcəkdə İranla sərhəddə Ağbənd keçid məntəqəsi tikiləcək. İntensiv tikinti işləri aparılır və tezliklə başa çatacaq. Piyadalar üçün rahat keçid də təmin ediləcək", - deyə o vurğulayıb.